TKSh tarıfterine qatysty «jedel baılanys» jelisi ashylady
«Ulttyq ekonomıka mınıstrligi múddeli memlekettik organdarmen birlesip, turǵyn úı kommýnaldyq sharýashylyq salasynyń respýblıkalyq monıtorıngileý júıesin qursyn. Monıtorıngileý júıesi jergilikti jerlerde qoǵamdyq ókilderdiń qatysýmen jumys istep, halyqtyń suranysymen, tarıf pen qyzmet kórsetý sapasymen baılanysty barlyq máselelerdi qamtýy kerek», - dedi B. Saǵyntaev Úkimet otyrysynda.
Sonymen qatar Premer-Mınıstr Ulttyq ekonomıka mınıstri Tımýr Súleımenovke turǵyn úı kommýnaldyq sharýashylyq tarıfterine qatysty osy aptanyń sońyna deıin «jedel baılanys» jelisin ashýdy tapsyrdy.
Budan buryn habarlanǵandaı, jaqynda Aqordada Qaýipsizdik keńesiniń otyrysynda Memleket basshysy Nursultan Nazarbaev kommýnaldyq qyzmetterge tarıfterdi zańsyz ósirgen tabıǵı monopolııalar sýbektilerin jazalaýdy talap etti.
Sonymen qatar Prezıdent Qazaqstanda elektr energııasy qunyn tómendetýdi tapsyrdy.
