TKSh salasyna tarıfterdi kótermeı ınvestor tartý múmkin emes
ASTANA. QazAqparat - Turǵyn-úı kommýnaldyq salasyna tarıfterdi kótermeı ınvestor tartý múmkin emes. Bul týraly búgin 6-shy shaqyrylǵan QR Parlamentiniń úshinshi sessııasynyń ashylýynda sóz sóılegen Elbasy Nursultan Nazarbaev aıtty, dep habarlaıdy QazAqparat.
«Qazirgi ýaqytta sý, jylýmen jabdyqtaý júıesin jańǵyrtý mol qarajat talap etedi. Investorlar men halyqaralyq qarjy ınstıtýttaryn tartý úshin TKSh men tarıf qurylymdaý salasyndaǵy zańnamany jetildirý qajet. Bul osy saladaǵy tutynýshylardyń, tabıǵı monopolııalar sýbektileriniń múddesin teńgerimdeýge múmkindik beredi. Eger biz TKSh-da tutynylatyn elektr energııasyna, jylýǵa, sýǵa tarıfterdi kótermeıtin bolsaq, eshkim de batyl qadam jasap kelmeıdi. Árbin ınvestor kelgennen keıin: «Iá, men stansa salamyn. Al elektr energııasyn qanshadan satamyn?» dep suraıdy. Munan qorqýdyń qajeti joq. Biz odan óttik. Táýelsizdik jyldardyń basynda, óz ýaqytynda biz munymen aınalystyq. Az qamtylǵan otbasylardy qorǵadyq», - dedi Qazaqstan Prezıdenti.
Memleket basshysynyń dereginshe, postkeńestik keńistikte eń arzan elektr energııasy Qazaqstanda bolyp otyr.
«Degenmen bul máseleni halyqtyń tólem qabiletin eskere otyryp, keshendi sheshken jón. Alaıda tarıfti kótermeı elektr energetıkasyn, kommýnaldyq sharýashylyqty damytý múmkin emes», - dedi Elbasy.
