TKSh agenttigi jaýapsyz jáne biliksiz qurylys kompanııalardy naryqtan alastatpaq

ASTANA.  5 maýsym. QazAqparat -  Bıyldan bastap jumysyna jaýapsyz qaraıtyn jáne biliksiz qurylys kompanııalary qurylys naryǵynan shettetiledi.

Bul týraly búgin Úkimet otyrysynda Qurylys jáne turǵyn úı-kommýnaldyq sharýashylyq isteri agenttiginiń basshysy Serik Nokın málim etti.

«Sońǵy jyldary qurylys sapasyna baılanysty kóptegen eskertýler boldy. Osyǵan baılanysty bizdiń tarapymyzdan qoldanystaǵy zańnama normalaryn qatańdatýǵa baılanysty jumystar júrgizilip jatyr», - dedi S. Nokın.

Onyń sózine qaraǵanda, bıyldan bastap úsh kategorııany qarastyratyn lıtsenzııalaýdyń jańa júıesi engizildi. «Bıyldan bastap biz qurylys naryǵynan óz jumysyna jaýapsyz qaraıtyn jáne mamandandyrylmaǵan qurylys uıymdaryn shettetetin bolamyz», - dedi agenttik basshysy.

Osy oraıda ol, turǵyn úılerdi ekinshi kategorııaly lıtsenzııasy bar jáne 5 jyldyq tájirıbe jınaqtaǵan kompanııalar ǵana salýy tıistigin jáne salynǵan nysandar boıynsha ońtaıly usynystar alýy qajettigin atap ótti. «Osyndaı usynystary joq qurylys kompanııalaryna lıtsenzııalar berilmeıdi. Olar osydan keıin kóp qabatty úılerdi salmaıtyn bolady»,-dep atap ótti S. Nokın.