TKSh agenttigi sapasy nashar 4810 qurylys sýbektisin jaýapqa tartty
ASTANA. 26 shilde. QazAqparat - Búgin QR Qurylys jáne turǵyn úı-kommýnaldyq sharýashylyq isteri agenttiginiń alqa májilisi ótip, onda agenttiktiń birinshi jartyjyldyqtaǵy jumysynyń qorytyndysy shyǵaryldy, dep habarlady vedomstvonyń baspasóz qyzmetinen.
Baspasóz qyzmeti taratqan aqparatqa súıensek, aǵymdaǵy jyldyń birinshi jarty jylynda vedomstvo qurylys-montaj jumystaryn júrgizýge 3972 ruqsat berip, tehnıkalyq jáne avtorlyq qadaǵalaýdy júzege asyratyn, jobalardy saraptaıtyn jáne ǵımarattarǵa tehnıkalyq tekserý júrgizetin 2842 sarapshyny attestatsııadan ótkizgen.
«5986 lıtsenzııany qaıta resimdedi jáne 572 jańa lıtsenzııa berdi. Qurylys-montaj jumystarynyń sapasyna 4308 josparly jáne jospardan tys tekserý júrgizdi. Júrgizilgen tekserýlerdiń nátıjesinde 4810 qurylys sýbektisine nusqamalar berildi jáne olar jaýapkershilikke tartyldy», - delingen taratylǵan habarlamada.
Agenttik tóraǵasy Serik Nokınniń atap ótýinshe, memlekettik baqylaý men qadaǵalaýdy qatańdatý qurylys protsesinen biliksiz mamandardy shyǵaryp tastaýǵa múmkindik beredi, sondaı-aq árbir sarapshynyń jeke jaýapkershiligin arttyrady.
Sondaı-aq ol, agenttik Qazaqstanda qurylystyń sapasyn arttyrý, mindetin adal oryndaıtyn qurylys salýshylar men jobalaýshylardy qorǵaý jáne olar úshin qolaıly jaǵdaılar jasaý jónindegi barlyq sharalardy qabyldaıtyndyǵyn basa aıtty.
