TKSh agenttigi «Qol jetimdi baspana- 2020» baǵdarlamasy boıynsha jyl saıyn 6,5 myń páter tapsyrmaq
Bul týraly búgin Úkimet otyrysynda Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın málimdedi.
«Onyń ishinde 3 myń páter nemese 200 myń sharshy metr turǵyn úı jas otbasylaryna arnalmaq», - dep atap ótti agenttik basshysy.
Atalǵan úıler ákimdikterdiń tapsyrysy boıynsha salynady. Jas otbasylarǵa arnalǵan keste boıynsha qarjy 8 jylǵa deıin jınaqtalatyn bolady. Alaıda, jas otbasylar tólem merziminde ózderi alǵan páterde tura berý múmkindigine ıe bolady. Atalǵan merzim ótkennen keıin, úıdi birden satyp alý múmkindigi beriledi nemese qarjysy jetkiliksiz bolǵan jaǵdaıda jylyna 4 paıyzdyq mólsherlememen 15 jylǵa deıingi merzimge zaemdy rásimdeýge bolady. Aı saıynǵy arendalyq tólem 30 myń teńgeni quraıtyn boldy. Atap aıtqanda, bul bankte turǵyn úıdiń qunynan 50 paıyz kóleminde qajetti jınaq jasalýy tıis.
