Tıtýlyn qorǵaǵan álem chempıony Golovkındi aıqasqa shaqyrdy
NUR-SULTAN. QazAqparat - Amerıkalyq boksshy Demetrıýs Andrade (28-0, 17 KO) Saýl Alvares (52-1-2, 34 KO) pen Gennadıı Golovkındi (39-1-1, 35 KO) jekpe-jekke shaqyrdy, dep habarlaıdy QazAqparat Sports.kz saıtyna silteme jasap.
«Kanelo» qaıda? GGG qaıda? Men kezekti ret on eki raýndtyq keremet boks pen ózimniń djebymdy kórsettim. Sýletskı - bul Rolls ta, Fıldıng te emes. «Kanelo», aıqas uıymdastyraıyq!» - dedi Andrade.
Demetrıýs Andrade tóreshilerdiń biraýyzdy sheshimimen (120-107, 120-107, 120-107) polıak Matseı Sýletskıden (28-2, 11 KO) basym túsip, WBO nusqasy boıynsha orta salmaqtaǵy Álem chempıony ataǵyn ekinshi ret qorǵap qaldy.
Eske sala ketsek, dál osy chempıondyq belbeý - Golovkın men «Kanelo» arasyndaǵy úshinshi jekpe-jek ótkizý úshin meksıkalyqtyń qoıyp otyrǵan sharty. Chempıondyq ataq sarapqa salynbaıtyn bolsa, Alvares GGG-ge qarsy shyqqysy kelmeıdi.
