«Tıtanıktiń» synyqtary sý betine 2010 jyly kóteriledi
ASTANA. Qazannyń 27-si. QazAqparat «Tıtanık» apat bolǵan jerge 2010 jyly jańa ekspedıtsııa uıymdastyrylady. Bul týraly laınerdiń qaldyqtaryn sý betine kóterýdiń eksklıýzıvti quqyǵyna ıe kompanııanyń basshysy málim etti, dep habarlaıdy «Maıak» radıosy.
Bul 2004 jyldan bergi alǵashqy osyndaı joba bolady. «Tıtanık» apat bolǵan jerge sońǵy alty jylda eki ekspedıtsııa uıymdastyryldy, biraq olardyń maqsaty - keme synyqtaryn sý betine kóterý bolǵan joq.
Saýtgempton - Nıý-Iork baǵyty boıynsha óziniń alǵashqy jáne sońǵy saparyna «Tıtanık» 1912 jyly sáýirdiń 10-ynda shyqty. Sáýirdiń 15-ine qaraǵan túni ol Atlant muhıtynyń soltústik bóliginde muztaýmen soǵysyp, sýǵa batyp ketti. Kemeniń bortynda 2208 adam bolǵan, olardyń 704-i ǵana aman qaldy.
