"Tıtanıktiń" daıashysynyń urpaǵy Costa Concordia laıneriniń jolaýshylary qatarynda bolǵan
ASTANA. 14 naýryz. QazAqparat - RIA "Novostı"-diń habarlaýynsha, Londonnyń týmasy, ótken ǵasyrdyń basynda apatqa ushyraǵan «Tıtanıkte» daıashy bolyp qyzmet etken jáne sol oqıǵada qaza tapqan adamnyń eki urpaǵy bıyl 14 qańtarda Tırren teńizinde atapqa
ushyraǵan Costa Concordia laıneriniń jolaýshylary qatarynda bolǵan.
Ońtústik Italııadaǵy Kampanııa oblysynyń Avellıno qalasynyń turǵyny 30 jasar Valentına Kapýana sol kúni laınerde dosy, inisi jáne inisiniń qyzy tórteýi bolǵan. Valentına men inisi joǵaryda aıtylǵan Djovannı esimdi daıashynyń janama urpaqtary bolyp tabylady. Ol 1912 jyly 14 sáýirde bolǵan apatta 25 jasynda 1,5 myń jolaýshylar jáne keme ekıpajymen birge qaza bolǵan.
Degenmen olar babasynyń taǵdyryn qaıtalamaı, áıteýir keme apaty kezinde aman qaldy. Alaıda ájeleriniń Djovannı týraly aıtqan áńgimeleri sol sátte olardyń oılaryna oralyp, qatty sasqandaryn aıtady.
Costa Concordia kemesiniń bortynda 4,2 myńnan astam adam bolǵan. Búginde olardyń 11 ólgeni belgili bolsa, 24-i joǵalǵandar tiziminde.
