«Tıtanıktiń» ajaly Aı men Jerdiń jaqyndaýynan bolǵan
ASTANA. 8 naýryz. QazAqparat - Astronomdar 1912 jylǵy Atlant muhıtynda aısbergterdiń kóp bolýyn Kún, Jer jáne Aıdyń erekshe qatynasymen baılanystyrady.
Bul týraly Sky and Telescope jýrnaly jazady. Onda keltirilgen málimetter boıynsha, «Tıtanıktiń» túbine jetken dál sol kezde muhıttaǵy muztaýlardyń tym kóp bolýy kórinedi.
Zertteý nátıjesinde belgili bolǵandaı, 1912 jyly 1400 jylda bir ret qaıtalanatyn tabıǵı konfıgýratsııa qalyptasqan. Sol jylǵy 3 qańtarda Jer perıgelııada, ıaǵnı Kúnge eń jaqyn núktede bolǵan. Al erteńinde Aıdyń tartylys kúshi Kúnniń áserimen birneshe esege kúsheıip ketken.
Sonyń saldarynan Jerde buryn-sońdy bolyp kórmegen tolqyndar paıda bolyp, Grenlandııa muzdyqtarynan kóptegen muztaýlar bólinip shyǵady. Solardyń bireýi «Tıtanıkke» kelip soqtyqqan.
«Tıtanık» laıneri Eýropadan Amerıkaǵa 1912 jyldyń 10 sáýirinde jolǵa shyqty. Bortynda 2200 adam bolǵan. 5 kúnnen keıin ol muztaýmen soǵysyp, muhıt túbine batyp ketti. Túrli derekter boıynsha 1400-den 1517 adamǵa deıin qaza bolǵan.
