«Tıtanıktiń» apatqa ushyraýy jaıly biregeı qujat Ulybrıtanııada bássaýdaǵa shyǵaryldy
ASTANA. QazAqparat - «Tıtanıktiń» apatqa ushyraýy jaıly biregeı qujat Brıtanııanyń ońtústigindegi Deıvaızıs qalasynyń bássaýda úıleriniń birinde saýdaǵa qoıyldy.
Ol 12 myń fýnt sterlıngke baǵalanyp otyr.
Saqtandyrý kompanııasynyń atyna jazylǵan bul málimdemede «Tıtanıktegi» apat jaıly baıandalǵan. Onda sýǵa batqan túni aman qalǵan ofıtserlerdiń eń úlkeni, kapıtannyń ekinshi kómekshisi Charlz Laıtoller keme ıesine 3 mln. fýnt kóleminde saqtandyrý tólemin qamtamasyz etý úshin aısbergtiń kólemin kishireıtip kórsetken. Sondaı-aq, komandanyń qateligin aqtaýǵa tyrysqan. Bul somany White Star Line kompanııasy «Tıtanık» apatqa ushyraǵannan keıin 30 kúnnen soń alǵan.
Laıtollerdiń, sonymen birge kapıtannyń 3-shi, 4-shi jáne 5-shi kómekshileriniń qolymen bekitilgen qujat betterinde ofıtser "aısbergke soǵylǵan kezde kemeniń sál ǵana dirildegenin sezdik" dep jazǵan. Soǵan baılanysty kapıtannyń kómekshisi ekıpajdyń salǵyrttyǵyna qatysty aıyptaýlardy moıyndamaǵan. Sol túni kemeniń aldyńǵy jaǵyndaǵy jaǵdaıdy baqylaýshylardy da barynsha aqtap alýǵa tyrysqan.
Henry Aldridge and Son bássaýdasyna qoıylǵan 1912 jyldyń 19 sáýirinde qol qoıylǵan qujat buǵan deıin esh jerde jarııalanbaǵan.
Laınerdiń apatqa ushyraýyna 102 jyl tolýyna oraılastyrylǵan aýktsıon 26 sáýirde ótedi, oǵan 200 lot shyǵarylady.
