«Tıtanıktegi» jolaýshylardyń keshki as máziri aýktsıonda $100 myńǵa satyldy
«Tıtanıktiń» birinshi sanattaǵy jolaýshylaryna arnalǵan máziri Henry Aldridge & Son Ltd aýktsıonynda 100 000 dollarǵa satyldy. Ol – 1912 jyldyń 11 sáýiri kúngi jalǵyz tanymal nusqa. Kazinform bul týraly All That’s Interesting basylymyna silteme jasap habarlaıdy.
«Tıtanıktiń» birinshi sanattaǵy jolaýshylaryna 1912 jyldyń 11 sáýirinde ýstrıtsa, úırek, sıyr eti men frantsýz balmuzdaǵy berilgen. Úsh kúnnen keıin, 1912 jyldyń 14-nen 15-ne qaraǵan túni keme muzdyqpen soqtyǵysyp, Soltústik Atlantıka sýyna batyp ketti.
Sol túndegi «Tıtanık» máziriniń sırek danasy aýktsıonda 102 000 dollarǵa (83 000 fýnt sterlıng) satyldy.
Shynynda mázir «Tıtanıktegi» ómir, birinshi klasta saıahattaı alatyn adamdardyń ómiri qandaı bolatynyn kórsetti.
«Tıtanık» bortyndaǵy túski as bılet baǵasyna baılanysty boldy.
Jolaýshylar birinshi sanattaǵy bıletti 150 dollarǵa (búgingi kúnmen eseptesek, 4000 dollar), ekinshi sanattaǵy bıletti 60 dollarǵa (búgingimen 1600 dollar) jáne úshinshi sanattaǵy bıletti 15-40 dollarǵa (nemese búgingimen 415-ten 1100 dollarǵa deıin) satyp aldy.
Ultimate Titanic habarlaýynsha, laınerdegi birinshi sanattaǵy jolaýshylar D palýbasynda tańǵy as, túski as jáne keshki asty da ishe alatyn. Tamaqtanatyn zal terezesinen teńiz kórinetin úlken bólmelerdiń birinde bolatyn.
Sonymen qatar olar A palýbasyndaǵy À la Carte Restaurant meıramhanasynan tamaqtana alady. Biraq ol jerde tamaq mólsheri az, baǵasy qymbat edi. Tańǵy as, túski as jáne keshki as ta beriletin.
Birinshi sanatta turǵan aman qalǵan jolaýshynyń sózinshe, À la Carte meıramhanasy óte keremet bolǵan.
«Ústelder qyzǵylt raýshan men aq túımedaq gúlimen bezendirilgen... ishekti aspaptar orkestri Pýchchını men Chaıkovskııdiń mýzykasyn oryndaıtyn. Tamaqtary erekshe: ýyldyryq, shaıan, bódene, tatreń jumyrtqasy, júzim men shabdaly».
Degenmen ekinshi jáne úshinshi sanattaǵy jolaýshylardyń tamaǵynda aıyrmashylyq boldy.
«Tıtanıktegi» 2200 jolaýshy men ekıpaj múshelerin tamaqtandyrý úlken mindet bolatyn. Irish Central habarlaýynsha, kemede 69 aspaz kúnine 6000 tamaq daıyndaıtyn.
Laıner apatqa ushyraıtyn túni ekinshi sanatty bılet alǵan jolaýshylar pishken pıksha, kúrish pen taýyq eti jáne amerıkalyq balmuzdaq jegen. Úshinshi sanat jolaýshylaryna rostbıf, qaınatylǵan kartop pen shvedtik nan berildi.
The New York Times túsindirýinshe, 1912 jyldyń 11 sáýirindegi mázir Jańa Shotlandııa, Domınıondaǵy qaýymdastyq tarıhshysy Len Stıvenske tıesili albomnan tabylǵan.
Galıfaktan apatqa ushyraǵan «Tıtanıkke» kómektesý úshin kabeldik kemeler jiberilgeni belgili. Sarapshylardyń pikirinshe, áldebireý batyp bara jatqan kemeden aman qalýǵa tyrysyp jatyp mázirdi estelikke alyp ketken.
