«Tıtanık» jolaýshylarynyń urpaǵy úshin, olardyń ata-babalarynyń qaıǵyly aıaqtalǵan saparymen júzip ótý jobasy týrıstik sensatsııaǵa aınaldy
ASTANA. Tamyzdyń 17-si. QazAqparat - Álem tarıhyndaǵy eń iri kólik apatyna aınalǵan - «Tıtanıktiń» sýǵa túbine batyp ketkenine 100 jyl tolýyna oraı uıymdastyrylǵan «Belmoral» laıneriniń krýız jasaý jobasy shyn máninde týrıstik sensatsııaǵa aınaldy. Júz jyl ótken soń, 2012 jyly «Tıtanık» komandasynyń jáne onyń jolaýshylarynyń týystary men úrim-butaǵy atalǵan júzý baǵytyn qaıtalaıdy. Bul jóninde ITAR-TASS habarlaıdy.
Belfasta (Soltústik Irlandııa) qurastyrylǵan, sol dáýirdiń eń iri jolaýshylar tasıtyn alyp kemesi, sýǵa batpaıdy dep eseptelgen «Tıtanık» 1912 jylǵy sáýirdiń 8-inde brıtanııa týymen aǵylshynnyń Saýtgempton portynan Nıý-Iorkke qaraı baǵyt aldy. Bul laınerdiń alǵashqy qatynaýy bolatyn. Sáýirdiń 14-inde keme sýǵa batyp ketti. Apat saldarynan 1,5 myń adam mert bolsa, tek 706 adam ǵana aman qaldy.
Týra 100 jyl ótkende, taǵy da sáýirdiń 8-inde «Belmoral» kemesi Saýtgemptonnan Nıý-Iorkke qaraı júzip shyǵady. Bul sapar «Tıtanıktiń» baǵytyn, onyń jyldamdyǵyn aınytpaı qaıtalaıtyn bolady. Ashyq teńizde qaıǵyly apat oryn alǵan jerge jetken saǵatta, kemede aza tutý sharalary júzege asyrylady.
Jobany uıymdastyrýshylardyń aıtýyna qaraǵanda, «Belmoraldegi» as máziri de týra «Tıtanıktegideı» bolady.
