«Tıtanık» kemesinde aman qalǵan jolaýshynyń haty £300 000 satyldy

ASTANA. KAZINFORM – Polkovnık Archıbalda Greısıdiń «Tıtanık» kemesi sýǵa batqanǵa deıin birneshe kún buryn jazǵan haty Ulybrıanııadaǵy aýktsıonda £300 000 ($400 000) satyldy. Ony satyp alǵan adamnyń aty-jóni jarııalanbady, dep habarlaıdy BBC.

Ol áýlıe adamnyń haty retinde baǵalanyp otyr. Greısı ańyzǵa aınalǵan kemeniń erekshelikter týraly sóz etpesten buryn osy sapardyń sońyna deıin aman jetýin kútetinin aıtqan. Hat 1912 jyldyń 10 sáýirinde, ıaǵnı jolaýshylar laınerge otyrǵyzylǵan kúni jazylǵan.

Birinshi sanattaǵy hat C51 kaıýtasynan jazylǵan. Hat 1912 jyldyń 11 sáýiri kúni, keme Kýınstaýn (Irlandııa) portyna toqtaǵan kezde jiberilgen. Sonymen qatar hatqa 12 sáýir kúngi londondyq belgi (shtempel) basylǵan.

Tıtanık 15 sáýirde sý túbine ketti, 1500-den astam adam mert boldy. Greısı tóńkerilip qalǵan qaıyqqa minip, aman qalǵan.

Henry Aldridge and Son aýktsıon úıiniń ókilderi «Tıtanık» kemesinde jazylǵan hattardyń ishinde eń qundysy bolǵanyn aıtady.

Greısıdiń apat týraly jazýy eń tanymal jazba sanalady.

Keıinirek ol «Tıtanık týraly shyndyq» atty kitap jazyp, onda óziniń laınerdegi kúnderi qala ótkenin sýrettegen.

Polkovnık apattan aman qalǵanymen, onyń densaýlyǵy gıpotermııadan jáne jaraqattardan qatty zardap shekken.

1912 jyldyń 2 jeltoqsanynda ol komaǵa túsip, artynan dıabet saldarynan jaǵdaıy nasharlap, qaıtys boldy.

Osyǵan deıin «Tıtanıktegi» myńǵa jýyq jolaýshyny qutqarǵan kapıtannyń saǵaty rekordtyq baǵaǵa satylǵany týraly jazdyq.