«Tıtanık» apatynan aman qalǵan áıeldiń haty 12 myń dollarǵa satyldy
ASTANA. QazAqparat - Bostonda ótken bássaýdada «Tıtanık» apatynan aman qalǵan áıeldiń haty 12 myń dollarǵa satyldy, dep jazady sheteldik BAQ.
Hatty 1912 jyly mamyr aıynda Lıýsıl Daff-Gordon jazǵan.
«Biz tiri qalmaýymyz kerek edi, biz tiri qalyp durys jasamadyq», - dep jazǵan Lıýsıl.
Ol - sýǵa batqan kemeden aman qalyp úlgergenderdiń biri. Qutqarýǵa arnalǵan kishkentaı qaıyq 40 adamǵa arnalsa da, onda nebári 12 adam ǵana bolǵan edi. Osy iske qatysty onyń kúıeýine aman qalý úshin basqalaryn kútpeı, ekıpajy satyp aldy dep aıyp taǵylǵan edi. Keıin ol aqtaldy.
Eske sala keteıik, «Tıtanık» alyp kemesi 1912 jyly 15 sáýrde úlken aısbergke soǵylyp sýǵa batqan bolatyn. Keme bortynda 2207 adam bolǵan, onyń tek 712-si ǵana aman qaldy.
