«Tıtan» batıskafyn shyǵarýshy kompanııa basshysynyń áıeli – «Tıtanıkte» bolǵan juptyń tikeleı urpaǵy
Rash – 18 maýsymda óz kompanııasyna tıesili «Tıtan» súńgýir kemesimen «Tıtanık» qaldyqtaryn kórýge attanǵan bes jolaýshynyń biri. Onyń áıeli Vendı Rash – Isador men Ida Shtraýstyń shóberesi, olar 1912 jyly Atlant muhıty arqyly saıahattaý kezinde aısbergke soǵylyp, sýǵa batyp ketken alyp keme «Tıtanıktegi» 1500-den astam adamnyń arasynda bolǵan. «Tıtanık» sýǵa batyp bara jatqanda erli-zaıypty Shtraýstar kemede qalýǵa sheshim qabyldaıy.
«Ekıpaj áıelder men balalardy qutqarmaq bolǵan kezde Ida Shtraýs qutqarý qaıyǵyna otyrýdan bas tartqan», - deıdi olardyń shóberesi Pol Kýrtsman Fox News-ke bergen suhbatynda.
Djeıms Kemeronnyń 1997 jylǵy «Tıtanık» blokbasterinde olardyń mahabbat tarıhy (tósekte qolustasyp jatqan qart erli-zaıypty) kórinis tabady.
Vendı men Stokton Rash 1986 jyly úılengen. LinkedIn platformasyndaǵy paraqshasynda kórsetilgen aqparatqa qaraǵanda Vendı OceanGate kompanııasynda baılanys dırektory bolyp jumys isteıdi. Ol buǵan deıin OceanGate qorynyń prezıdenti qyzmetin atqarǵan.
61 jastaǵy Stokton Rash ózge 4 adammen birge mingen «Tıtan» batıskafynyń ekıpajy jeksenbi kúni Atlant muhıtynyń túbine segiz saǵattyq súńgýge attanǵan bolatyn.
Shamamen 1 saǵat 45 mınýttyq sapardan keıin súńgýir qaıyq kanadalyq «Polıarnyı prınts» zertteý kemesimen baılanysyn úzdi. Aýqymdy izdestirý-qutqarý operatsııasy Nıýfaýndlend (Kanada) jaǵalaýynda jergilikti ýaqyt boıynsha 17:40 shamasynda, «Tıtan» sý betine shyǵýy tıis bolǵannan keıin shamamen úsh saǵat ótken soń bastaldy.
Kúni keshe AQSh jaǵalaý kúzeti Soltústik Atlant muhıtynda joǵalyp ketken «Tıtan» súńgýir qaıyǵyn izdestirý aımaǵynan áldebir júzý quralynyń jaryqshaqtary men synyqtary tabylǵanyn habarlady. Bortta bolǵan bes adam da qaza tapqan.
