«Tıtan» batıskafyn ıelengen OceanGate kompanııasy barlyq áleýmettik jelidegi akkaýnttaryn óshirdi
NЬıÝ-IORK. TASS - QazAqparat – Kompanııa saıtynda buǵan deıin onyń zertteý jáne kommertsııalyq qyzmetin toqtatqany týraly habarlama jarııalanǵan bolatyn, dep habarlaıdy QazAqparat reselik TASS agenttigine silteme jasap.
«Tıtan» batıskafyn ıelenýshi OceanGate kompanııasy barlyq áleýmettik jelidegi paraqshalaryn óshirdi.
Buǵan deıin OceanGate Expeditions kompanııasynyń Facebook, Instagram, Twitter jáne LinkedIn jelilerinde paraqshalary bolǵan edi. 14 shilde kúni onyń bári óshirilgen.
Buǵan deıin QazAqparat 19 maýsym kúni «Tıtanık» kemesi sýǵa batqan aımaqqa sapar jasaıtyn «Tıtan» súńgýir apparaty Atlant muhıtynda joǵalyp ketkenin habarlaǵan edi.
22 maýsymda AQSh-tyń Jaǵalaý qyzmeti joǵalǵan «Tıtan» batıskafyn izdeý aýmaǵynda qırandylar tabylǵanyn málim etti. Keıin súńgýir apparaty tıesili OceanGate kompanııasy málimdeme jasap, batıskafta bolǵan ekıpaj qaza bolǵanyn habarlady.
Batıskaf bortynda 5 adam boldy: 58 jastaǵy brıtandyq bıznesmen ári zertteýshi Hemısh Hardıng, 48 jastaǵy bıznesmen, pákistandyq Shahzada Davýd pen onyń 19 jastaǵy uly Sýleman, OceanGate kompanııasynyń 61 jastaǵy dırektory Stokton Rash jáne 77 jastaǵy frantsýzdyq zertteýshi Pol-Anrı Narjole.
Sarapshylar «Tıtan» batıskafynyń qıraýyna ne sebep bolǵanyna óz boljamyn aıtty.
