Tisti nebári bes kúnde zaqymdaıtyn sýsyndar da bar bolyp shyqty
ASTANA. 6 mamyr. QazAqparat - Energetıkalyq jáne sportshylarǵa arnalǵan gazdy sýsyndar tiske zııandy. Ońtústik Illınoıs ýnıversıteti ǵalymdarynyń sońǵy zertteýi kópshilikti oıǵa qaldyryp otyr,
dep jazady «Alash aınasy» gazeti.
The Daily Mail-dyń habarlaýynsha, sarapshylar 13 sporttyq sýsyn men 9 energetıktiń qyshqyldyq deńgeıin testileýden ótkizgen. Sýsyndar men silekeı qosyndysynyń adam tisi emaline áseri kún saıyn tekserildi. Synaqtyń nátıjesinde energetıkalyq jáne sporttyq gazdy sýsyndar quramynda qyshqyl deńgeıiniń joǵary bolatyny jáne mundaı sýsyndardy ishken adam tisi emaliniń bes kúnnen keıin-aq zaqymdanatyny anyqtaldy. Sonyń ishinde, energetıkalyq sýsyndardyń áseri qarapaıym gazdy sýsyndarǵa qaraǵanda, eki ese kúshti bolyp shyqty. Emaldiń buzylýy tis shirimesin damytatyndyqtan, mamandar mundaı sýsyndardan soń aýyzdy shaıýǵa nemese qantsyz saǵyz shaınaýǵa keńes beredi.
