Tisin juldyrýǵa barǵan qyz stomatologııada kóz jumdy, tergeý bastaldy
ALMATY. QazAqparat - Almatyda 22 jastaǵy boıjetken tis emhanasynda kóz jumdy, dep habarlaıdy QazAqparat tilshisi.
Oqıǵanyń mán- jaıy áleýmettik jelide jarııalandy.
Qalalyq polıtsııa bul derek boıynsha tergeý bastalǵanyn málim etti.
«Atalǵan fakti boıynsha tergeý bastaldy. Qylmystyq is Áýezov aýdandyq polıtsııa basqarmasynyń sotqa deıingi tergeýdiń biryńǵaı tizilimine tirkeldi. Tergeý aıasynda tıisti saraptamalar taǵaıyndaldy, olardyń qorytyndysy boıynsha sońǵy protsessýaldyq sheshim qabyldanady», - dep habarlady departamentten.
