Tis emdetý úshin zeınetaqy jınaǵyn alý qalaı qadaǵalanady

NUR-SULTAN. QazAqparat – «Otbasy bank» AQ basqarma tóraǵasy Lázzat Ibragımova tis emdeý úshin zeınetaqy jınaǵyn merziminen buryn alý jóninde pikir bildirdi, dep habarlaıdy QazAqparat.

Spıkerdiń aıtýynsha, tis emdeýge arnalǵan qujattar paketinde klınıkamen kelisimshart jáne tólem shoty bar.

«Kórsetiletin qyzmetter ishinde eń qymbat protsedýra – ımplantatsııa da bar. Shyn máninde, protezdeýdi, shveıtsarııalyq nemese ızraıldik ımplanttyń bolýyn jáne 17-18 ımplant bolatynyn eskersek, 17 mln teńgege berilgen chek te shynaıy bola alady. Biz tis pen jańa ımplantattardyń sanyn teksere almaımyz. Sondyqtan tis emdeýdi ózi úshin mańyzdy dep sanaǵan salymshyǵa senim artamyz. Men de bul bastamany qoldaımyn. Óıtkeni tis – asqazan-ishek jolyna, kóńil-kúıge, onyń ishinde syrtqy pishinge áser etetin óte mańyzdy faktor. Sondyqtan adamdar tólem shotyn alyp kelip, bizge alǵys aıtyp jatyr. Biz de bári zańdy jolmen jasalyp jatqanyn kórip otyrmyz», - dedi Lázzat Ibragımova ortalyq kommýnıkatsııalar qyzmetinde ótken baspasóz máslıhatynda.

Buǵan deıin Lázzat Ibragımova baspana baǵasyna qatysty boljamdaryn aıtqan edi.