Tis - adam densaýlyǵynyń aınasy
ASTANA. 11 qarasha. QazAqparat - Ejelgi ǵasyrlarda adamnyń tisterine qarap onyń densaýlyǵynyń jaǵdaıyn bilýge bolady dep sanalǵan. Bul shyndyǵynda da solaı. Bizdiń ustanatyn em-dámimiz pen ómir saltymyz tis emalinde kórinedi. Temeki shegý, qýyrylǵan nemese maıly taǵamdardy shamadan tys qoldaný, kofege úıir bolý - osynyń bári bizdiń tisimizdiń emalinde qalady.
Tis úshin qandaı taǵamdardyń paıdaly ekenin kóbi bile bermeıdi. Mıchıgan Ýnıversıtetiniń ǵalymdary tisti zaqymdanýdan qorǵaıtyn bes úzdik ónimdi anyqtady. Olar: qulpynaı, sút ónimderi, qantsyz saǵyz, taza sý jáne japyraqty kókónister.
