Tiryaki Holding Astanada bıdaı men burshaq óńdeýge ınvestıtsııa salady
ASTANA. KAZINFORM – Memleket basshysy Tiryaki Holding kompanııasynyń atqarýshy dırektory Súleımen Tırıakıoǵlyny qabyldady. Bul týraly Aqordanyń baspasóz qyzmeti habarlady.
Kezdesý barysynda Prezıdent Qasym-Jomart Toqaev pen Tiryaki Holding kompanııasynyń atqarýshy dırektory Súleımen Tırıakıoǵly agroónerkásip kesheni baǵytyndaǵy ózara tıimdi jáne uzaqmerzimdi seriktestik máselesin talqylady.
Memleket basshysy kompanııanyń Astana qalasynan bıdaı men burshaqty tereń óńdeý zaýytyn salý týraly sheshimine qoldaý bildirdi.
Súleımen Tırıakıoǵly atalǵan joba elimizdiń qaıta óńdeý ónerkásibin damytýǵa, zamanaýı tehnologııalardy engizýge jáne jergilikti mamandardyń biliktiligin arttyrýǵa yqpal etetinin aıtty.
Kezdesýde Qazaqstannyń aýyl sharýashylyǵy ónimderin tasymaldaý úshin logıstıkany tıimdi uıymdastyrý, qoıma ınfraqurylymyn tsıfrlandyrý jáne elevatorlardy jańǵyrtý máseleleri qaraldy.
Aıta keteıik, Tiryaki Holding – dándi, maıly daqyldar, jem-shóp óndirý jáne eksporttaý boıynsha álemdegi kóshbasshy kompanııalardyń biri.
Buǵan deıin Qasym-Jomart Toqaev S Sistem Lojistik kompanııasynyń basqarma tóraǵasy Hýseın Barlındi qabyldady.