«Tirligi joqtar til týraly aıtady» - respýblıkalyq basylymdarǵa sholý

ASTANA. 27 maýsym. QazAqparat - Qazaq aqparat agenttigi respýblıkalyq basylymdarda 27 maýsym, sársenbi kúni shyqqan ózekti maqalalarǵa sholýdy usynady.

«Keshe Memleket basshysy Nursultan Nazarbaev Qazaqstan Respýblıkasynyń Aýyl sharýashylyǵy mınıstri Asyljan Mamytbekovti qabyldady», - dep jazady «Egemen Qazaqstan» gazeti.

Memleket basshysy eldiń ag­ro­­ónerkásip keshenindegi reformany jalǵastyrýdyń mańyzdyly­ǵyn atap ótti. «Búginde biz óndiriletin aýyl sharýashylyǵy ónimderiniń kólemin arttyryp qana qoımaı, sondaı-aq tıisinshe onyń sapasyn jaqsartýymyz qajet. Bul úshin qajetti resýrstar bar. Soń­ǵy 15 jyl ishinde otandyq agro­­ónerkásip keshenin damytýǵa 1,5 trıllıon teńge bólingen, tek 2011 jyly ǵana bul salaǵa ke­­­minde 115 mıllıard teńge bólin­di», - dedi Nursultan Nazarbaev. Óz kezeginde Aýyl sharýashylyǵy mınıs­tri Qazaqstan Prezıdentine aýyl sharýashylyǵynyń aǵymdaǵy jaǵ­daıy týraly baıandady, son­daı-aq Qazaqstan Respýblık­a­sy­nyń agroónerkásip keshenin da­mytýdyń 2020 jylǵa deıingi ja­ńa baǵdarlamasynyń tujyrym­­damalyq erejeleri týraly má­limdedi.


«Jýyrda «Battler» áleýmettik klý­bynda «Orys tiliniń Qazaqstandaǵy jaǵ­daıy» atty taqyryptyń aıasynda pikirtalas ór­bigeni belgili. Sol jıynda almatylyq aqyn, pýblıtsıst, blogger Pavel Bannıkov: «Orys tili - qazaq mádenıetin basqa da deńgeıge kóterý úshin taptyrmas qural. Onyń ústi­ne orys tili bizdiń elimizde óz­diginen qazaqy sıpat alǵan. Óıtkeni turmys sanany qa­lyptastyrady» dep qoıyp saldy. Resmı tildiń keregesin keńeıtýdiń bir aılasy shyǵar bul... Biraq basqa ulttyń mádenıetin ózge til damytady degendi buryn-sońdy estip kórmeppiz...», - dep jazady «Aıqyn» gazeti. Maqala basylymnyń búgingi sanynda «Tirligi joqtar til týraly aıtady» degen taqyryppen berilgen.

 

Osy basylymda Májilis depýtaty Orazkúl Asanǵazymen aradaǵy suhbat «Bilim salasynyń eń bir osal tusy - tárbıe berý» degen taqyryppen jarııalandy. Basylym tilshisiniń barlyq saýalyna tuşymdy jaýap bergen halyq qalaýlysy: «Bilim jáne ǵylym mınıstrligi josparyn ulttyq tárbıege súıenip jasaý kerek. Qazaqtyń qaharman uly Baýyrjan Momyshulynan: «Neden qorqasyz?» dep suraǵan eken. Sonda Baýkeń: «Birinshiden, balasyna besik jyryn aıtpaǵan anadan; ekinshiden, nemeresine ertegi aıtpaǵan ata-ájeden; úshinshiden, qazaq pen qazaqtyń qazaqsha sóılespegeninen qorqamyn» depti. Bizdiń tárbıelik josparymyz osy qaǵıdalardan turýy kerek!», - deıdi.

 

Al «Alash aınasy» gazetiniń turaqty «Dat!» aıdarynda QR Mádenıet jáne aqparat mınıstri Darhan Myńbaımen aradaǵy suhbat jarııalandy. Basylym tilshisiniń barlyq saýalyna tuşymdy bergen mınıstr: «Jalpy, halyqqa ýáj aıtýdan góri, sol halyqtyń datyna qulaq asqan jón bolar. Jón sóz aıtar bolsaq, barsha jýrnalıske, eldi jeńiske jeteleıtin jetistikterdi jazyp júrgenderge de, namysty qamshylap, kemshilikti kórsetip syn aıtyp júrgenderge shyǵarmashylyq shabyt tileımin. Aqparatymyzdyń aıdyny keńeıip, ana tilimizdiń abyroıy artyp, mádenıetimiz máýe jaıyp jatqan zamanǵa biz Táýelsizdiktiń arqasynda qol jetkizip otyrmyz», - deıdi. Suhbat «Jýrnalıster kúndelikti tarıhty jazady» degen taqyryppen basylǵan.

 

«Órt - tilsiz jaý. Ol aıtyp kelmeıdi. Keshikseń, keshirmeıdi. Sol tosylsań, ol tajal áp-sátte-aq aınalasyn jalmap tynady. Sondyqtan ondaı jaýmen kúresý úshin tórt qarýyń túgel, saqadaı saı bolýyń qajet, al búgingi kúngi bizdiń eldegi jaǵdaı qandaı?», - dep jazady «Alash aınasy» gazeti «Tozǵan tehnıkamen tilsiz jaýdy tejep kórińiz!» degen taqyryptaǵy maqalasynda. Basylymnyń atap ótýinshe, elimizdegi jaǵdaı jetisip turǵan joq. Respýblıkanyń kóptegen aımaqtarynda órtke qarsy qyzmet depolary jetspeıdi. Al barynyń jaǵdaıy máz emes. Olardyń kópshiliginiń qurylǵanyna 50-60 jyl bolǵan.

 

«Kazahstanskaıa pravda» gazetiniń jazýynsha, Astanada Qazaqstan Respýblıkasynyń Syrtqy ister mınıstri Erjan Qazyhanov elimizdegi dıplomatııalyq mıssııasyn aıaqtaǵan Ispanııa elshisi Alberto Anton Korteske Qazaqstan Respýblıkasynyń Qurmet gramotasyn tabys etti. Qurmet gramotasymen marapattaý týraly Jarlyqqa Qazaq­stan Respýblıkasynyń Prezı­denti N.Nazarbaev 2012 jylǵy 12 maýsymda qol qoıdy. Eli­­mizde 4 jyl qyzmet etken ıspan dıplomaty joǵary marapatty eki el dostyǵy men Qazaqstan-Ispanııa yntymaqtastyǵyn ny­ǵaıtýǵa qos­qan úlesi úshin ıe­lendi. Kezdesýde taraptar túrli salalar­da­ǵy keń aýqymdy Qa­zaq­stan-Is­­pa­­­­nııa yntymaqtastyǵyn talqylady.