Tirkeý naýqany: emhanany aýystyrǵysy keletinder sany 2,5 esege ósti
Áleýmettik medıtsınalyq saqtandyrý qory atap ótkendeı, bıylǵy kúzde bul múmkindikti paıdalanýǵa nıet bildirýshiler sany ótken jylǵy aktsııamen salystyrǵanda 2,5 esege kóp boldy.
Ótkizilgen naýqannyń aldyn ala nátıjeleri boıynsha emhanalarǵa tirkelgen halyq sany shamamen 19,7 mln adamdy qurady, onyń ishinde 2023 jylǵa arnalǵan tirkeý naýqanynyń múmkindikterin shamamen 277 myń adam paıdalanǵan.
Bul rette alǵash ret MSAK uıymdaryna 24 myńǵa jýyq turǵyn tirkeldi, al 165,5 myń adam qazirgi qyzmet kórsetý emhanasyn basqasyna aýystyrýǵa sheshim qabyldady.
2023 jylǵa arnalǵan tirkeý naýqanyna 717 alǵashqy medıtsınalyq-sanıtarlyq kómek uıymy qatysty, olardyń 83-i – jańa jetkizýshiler, ıaǵnı naýqan sheńberinde alǵash ret ózderiniń tirkeý qyzmetterin usyndy.
Esterińizge sala keteıik, tirkeý naýqany jyl saıyn 15 qyrkúıekten 15 qarashaǵa deıin ótkiziledi. Osy kezeńde turǵyndar kelesi jyldyń 1 qańtarynan bastap ózderine qyzmet kórsetetin emhanany tańdaı alady. Atalmysh naýqan aıasynda siz emhanaǵa birinshi ret tirkele alasyz, ózińizge qyzmet kórsetetin uıymdy ózgerte alasyz nemese óz emhanańyzdaǵy ýchaskelik dárigerdi aýystyra alasyz. Tirkeletin emhanany tańdaý kezinde úıińizge jaqyn emhanany tańdaý usynylady, sebebi úıdegi medıtsınalyq kómekti emhananyń qyzmet kórsetý aýmaǵynda turatyn patsıentter ala alady.
Siz qaı MSAK uıymyna tirkelgenińizdi elektrondyq úkimettiń veb-portalynda (jeke derekterde) teksere alasyz.
Eger sizde suraqtar týyndasa, olardy Patsıentterge qoldaý kórsetý qyzmetine habarlasý arqyly, óz emhanańyzda qoıa alasyz. Sizge jergilikti jerde kómek kórsetilmese, Áleýmettik medıtsınalyq saqtandyrý qoryna ózińizge yńǵaıly baılanys arnasy arqyly ótinish jibere alasyz: fms.kz resmı saıty, 1406 baılanys ortalyǵy, Qoldau 24/7 mobıldi qosymshasy jáne Telegram-daǵy SaqtandyryBot.
Dál osy quraldar saqtandyrýdyń kúıin tekserýge múmkindik beredi. Sondaı-aq, medıtsınalyq saqtandyrý júıesindegi óz mártebeńizdi tekserip, júrgizilgen tólemder týraly QR egov.kz elektrondyq úkimetiniń saıtyndaǵy «Densaýlyq saqtaý» bóliminen «Medıtsınalyq qyzmetter týraly jáne MÁMS-te aýdarylǵan somalar týraly aqparat» memlekettik qyzmeti arqyly bilýge bolady.