Tirkelmegen nómirlerdi ajyratý qoǵam qaýipsizdigi úshin qajet - A.Jumaǵalıev
Uıaly operatorlarda barlyq nómirlerdi tirkeý máselesine toqtalǵan QR Investıtsııalar jáne damý vıtse-mınıstri: «Bul baǵyttaǵy sharalar halyqaralyq tájirıbege sáıkes keledi. Telefondy paıdalaný úshin onyń tıisti tirkeýi bolýy kerek. Bundaı norma burynnan bekitilgen. Bul máseleni retteý úshin uıaly baılanys operatorlaryna tirkeý merzimi uzartyldy. Bul quqyq qorǵaý organdary jumysy men jalpy qoǵam qaýipsizdigi úshin qajetti shara. Atap aıtqanda, bundaı jumystar halyqaralyq tájirıbemen naqtylanǵan», - dedi.
Osy oraıda ol abonetter turǵysynan alyp qaraǵanda, olardyń quqyǵy buzylmaıtyndyǵyn atap ótti. Eger de barlyǵy tirkelmegen nómirlerdi rásimdeıtin bolsa, azamattar uıaly baılanys qyzmetin paıdalanýdy jalǵastyrady. A.Jumaǵalıev nómirlerin tirkemegen abonetter úsh paıyzdan aspaıtyndyǵyn jetkizdi.
Esterińizge sala keteıik, Qazaqstannyń uıaly baılanys operatorlarynyń resmı saıttarynda sım-kartalar jeke tulǵanyń atyna rásimdelmegen jaǵdaıda bıylǵy 1 jeltoqsannan bastap bundaı abonentterge qyzmet kórsetý toqtatylatyny jaıynda eskertýler jasalǵan.
«QR Investıtsııa jáne damý mınıstrliginiń Baılanys, aqparattandyrý jáne aqparat komıtetiniń 2014 jylǵy 10 qazandaǵy talaby boıynsha, tirkelmegen abonenttik nómirlerdi paıdalanýshylar 2014 jylǵy 30 qarashaǵa deıin osy nómirlerdi rásimdeý qajettigi týraly habarlanady. Joǵaryda atalǵan talapqa saı, tirkeý málimetteri joq abonenttik nómirlerge 2014 jylǵy 1 jeltoqsannnan bastap uıaly baılanys qyzmetin kórsetý toqtatylady. Abonenttik nómirlerdi tirkeý máseleleri boıynsha shuǵyl túrde operatorlardyń satý jáne qyzmet kórsetý keńsesine habarlasý kerek»,- delingen uıaly baılanys operatory málimetterinde.
