Tirkelmegen dárini saýdaǵa salǵan kásipkerdiń isi sotta qaraldy - OQO
ShYMKENT. QazAqparat - Shymkentte dárilik zatty zańsyz aınalymǵa salǵan kásipkerdiń isi sotta qaraldy. Oǵan elimizde tirkelmegen «Proteflazıd» dárisin saýdaǵa salǵan degen aıyp taǵyldy , dep habarlaıdy QazAqparat HAA tilshisi.
Jeke kásipker G.H. zańsyz saýdamen aınalysý áreketi sala mamandarymen anyqtalyp, tolyq dáleldengen. Onyń ústinen ákimshilik is qozǵalyp, is Shymkent qalasynyń mamandandyrylǵan ákimshilik sotynda qaraldy. Sotta quqyq buzýshy óziniń aıybyn tolyq moıyndap, ókinetinin aıtty. Sot sheshimimen kásipker kelinshek Qazaqstan Respýblıkasy ÁQBtK-niń 462-babynyń 2-bóligimen kináli dep tanylyp, oǵan ákimshlik jaza retinde 424 200 teńge aıyppul salyndy.
