Tirkelgen zańdy tulǵalardyń sany 314 054-ke jetti
ASTANA. 15 qazan. QazAqparat - 2012 jylǵy 1 qazandaǵy jaǵdaı boıynsha tirkelgen zańdy tulǵalardyń sany 314054 birlikti qurap, ótken jylǵy sáıkes kezeńmen salystyrǵanda 5,6 paıyzǵa artty, onyń ishinde 50 adamnan kem qyzmetkerleri bar - 297744 birlik. Bul týraly búgin QR Statıstıka agenttiginde ótken brıfıngte atalǵan vedomstvonyń basshysy Álıhan Smaıylov málim etti.
Jumys istep turǵan zańdy tulǵalardyń sany 171068 qurady, onyń ishinde 155749 birlik - shaǵyn kásiporyndar. Respýblıkadaǵy tirkelgen shaǵyn kásipkerlik sýbektileriniń sany (zańdy tulǵalar) 227678 birlikti qurady jáne ótken jylǵy tıisti kezeńmen salystyrǵanda 6,1 paıyzǵa artty.
