Tyrysqaq aýrýy órshigen elderge jolyńyz tússe, neni eskerý kerek
ASTANA. KAZINFORM – Bul saýalǵa Densaýlyq saqtaý mınıstrligi jaýap berdi.
Qazaqstandyq mamandar týrısterge tyrysqaq aýrýy boıynsha qolaısyz elderge (Afrıka, Azııa, onyń ishinde Úndistan, Aýǵanstan, Pákistan elderi) barǵan kezde mynadaı keńes berdi:
• qaınatylǵan nemese bótelkedegi sýdy ishý;
• ár túrli sýsyndardy salqyndatý úshin muzdy paıdalanbaý;
• ónimderdi tutyný aldynda tıisti termııalyq óńdeý;
• jemister men kókónisterdi qaınatylǵan nemese bótelkedegi sýmen muqııat jýý;
*tamaq isher aldynda jáne dárethanaǵa barǵannan keıin qoldy sabynmen muqııat jýý;
• tek ruqsat etilgen sý aıdyndarynda shomylý jáne onyń sýyn jutpaý;
• aýrýdyń alǵashqy belgileri paıda bolǵan kezde ózdiginen emdelýge bolmaıdy, dereý medıtsınalyq kómekke júginý kerek.
