«Tiri plastyr» júrek ustamasynan aman qalýǵa kómektesedi - ǵalymdar
NUR-SULTAN. QazAqparat - Brıtanııa ǵalymdary mıllıondaǵan diń jasýshalarynan turatyn «tiri plastyr» júrek ustamasynan keıin adamdardyń jyldam jazylyp ketýine septigin tıgizedi dep sanaıdy. Bul týraly VVS habarlady.
Uzyndyǵy 3 sm, eni 2 sm keletin ıilgish plastyr zerthana jaǵdaıynda naýqastyń jasýshalarynan ósirilip, deni saý júrek bulshyq etine aınaldyrylady.
Jańa aǵza júrek jasýshalaryn qalpyna keltiretin hımııalyq komponentterdi de shyǵarýǵa qaýqarly.
Londonnyń Imperııalyq kolledjiniń sarapshylary osy ǵylymı jańalyqty Manchesterde ótken júrek aýrýlary konferentsııasynda tanystyrdy. Olardyń aıtýynsha, qoıandarǵa ótkizilgen synaqtar kezinde onyń zııansyz ekeni anyqtalǵan.
Brıtanııa kardıologtary qoǵamynyń aqparatyna qaraǵanda, birer aptanyń kóleminde adamdarǵa synaqtar bastalýy múmkin.
