Tiri kúıeýimdi vaktsınadan óldi dep jalǵan aqparat taratqan - Merýert Qojaqulova

AQTAÝ. QazAqparat - Áleýmettik jelilerde Munaıly aýdany Mańǵystaý selosynyń 1984 jyly týǵan turǵyny vaktsınadan qaza boldy degen jalǵan aqparat tarady, dep habarlaıdy QazAqparat tilshisi.

Feık aqparatty taratýshylar tiri adamnyń sýretin salyp qoıǵan. Bul týraly onyń áıeli habarlady.

«Sýrettegi meniń joldasym Sýgýrbaev Bahytjan Chokyrbaevıch 1984 jyly 1 qańtarda dúnıege kelgen.

Áleýmettik jelide taraǵan aýdıo jazbanyń artyna tirkep sýretti taratyp jibergen. Tiri adamdy qaıtys boldy dep. Qaıtys bolǵan basqa adam, biz ony tanymaımyz. Alla Bahytjannyń denine saýlyq, uzaq ómir bersin. Aqparattyń shyndyq ekenine kóz jetkizip baryp taratyńyzdar», -dedi ol.

Qazir mán-jaı Mańǵystaý oblysynyń Polıtsııa departamentine habarlandy.

Aıta keteıik, buǵan deıin Mańǵystaý turǵynynyń ekpeden qaıtys bolǵany jaıly aqparattyń jalǵan ekenin habarlaǵan bolatynbyz.