Tiregi sender bul eldiń – AQSh elshisi qazaqstandyqtardy merekemen quttyqtady

NUR-SULTAN. QazAqparat – Amerıka Qurama Shtattarynyń Qazaqstan Respýblıkasyndaǵy Elshisi Ýılıam Mozer qazaqstandyqtardy Táýelsizdik kúnimen quttyqtady, dep habarlaıdy QazAqparat tilshisi elshiliktiń Instagram-paraqshasyna silteme jasap.

«Qurmetti qazaqstandyqtar! Men prezıdent Tramp pen Memlekettik hatshy Pompeoǵa qosyla otyryp, Sizderdi asa mańyzdy ulttyq mereke – Táýelsizdik kúnimen shyn júrekten quttyqtaımyn! Mereke qutty bolsyn», - dedi Ýılıam Mozer.

Keıinnen elshi «MýzArt» tobynyń «Óz elim» ániniń sózderinen úzindi oqyp berdi.

«Túlegi sender, tilegi sender, tiregi sender sol eldiń. Nazary sender, bazary sender, ajary sender bul eldiń», - dep AQSh elshisi ánniń sózderin keltirdi.