Tıramısýdy shyǵarǵan Italııadaǵy meıramhana jabyldy
ASTANA. QazAqparat - Álemge áıgili tıramısý deserti shyqqan ıtalıandyq meıramhana eldegi qarjylyq daǵdarys pen ıtalıandyqtardyń taǵamǵa degen talǵamynyń ózgerýinen jabylýǵa májbúr.
Italııanyń soltústiginde ornalasqan Trevızodaǵy meıramhana 1939 jyly ashylǵan. Al 2014 jyldyń 30 naýryzynda múldem jabylady, dep habarlaıdy ROSBALT. 60 jasar meıramhana ıesi Karlo Kampeolo buǵan klıentterdiń kúrt azaıǵany sebep boldy deıdi. Onyń sózine qaraǵanda, Italııada Ekinshi dúnıejúzilik soǵystan keıin mundaı daǵdarys bolyp kórmegen.
Qarjylyq qıyndyqtarǵa tap bolǵan ıtalıandyqtar qymbat meıramhanalardan góri arzan dámhanalardan tamaqtanǵandy nemese jol-jónekeı birdeńe tisteı salǵandy jón kórip otyr deıdi restorator.
