Tynyq muhıtynda Vanýatý mańynda qýatty jer silkinisi boldy

ASTANA. KAZINFORM – Seısenbi kúni Tynyq muhıtynyń ońtústigindegi Vanýatý jaǵalaýynda 7,3 magnıtýdalyq kúshti jer silkinisi boldy, dep habarlady AQSh geologııalyq qyzmeti. Bul týraly Kazinform agenttigi Euronews-ke silteme jasap habarlaıdy. 

Jer silkinisi Port-Vıla qalasynan batysqa qaraı 30 shaqyrym jerde, 57 shaqyrym tereńdikte oryn aldy, odan keıin magnıtýdasy 5,5 ball jerasty dúmpýi boldy.

Aral memleketi úshin tsýnamı týraly eskertý jer silkinisinen eki saǵattan keıin joıyldy.

Qıraýlar týraly málimet bar: qulaǵan ǵımarattar, kóshkinder, jabylǵan joldar. Ázirge qaza tapqandar men zardap shekkender týraly naqty aqparat joq, respýblıka boıynsha baılanys úzilgen.

Jańa Zelandııa Syrtqy ister mınıstrliginiń habarlaýynsha, Port-Vıladaǵy AQSh, Ulybrıtanııa, Frantsııa jáne Jańa Zelandııanyń dıplomatııalyq ókildikteri ornalasqan ǵımarat aıtarlyqtaı zaqymdanǵan.

Mınıstrlik ókiliniń aıtýynsha, Jańa Zelandııa Joǵarǵy komıssııasynyń qyzmetkerleri óz jumysshylaryn izdeýmen aınalysyp jatyr.

Tynyq muhıtynda ornalasqan Aýstralııa men Jańa Zelandııa bıligi óz elderi úshin tsýnamı qaýpi joq ekenin málimdedi.

Vanýatý - shamamen 330 myń halqy bar 80 araldan turatyn memleket.

Osyǵan deıin AQSh-taǵy Andreıan araldaryna jaqyn jerde jer silkingenin habarlaǵan bolatynbyz.