Tynyq muhıtynda bortynda 3 myń kólik bar keme sýǵa batyp ketti
ASTANA. KAZINFORM — Maýsym aıynda 3 myńǵa jýyq kólikti tasymaldaıtyn Morning Midas júk kemesinen órt shyqqany belgili boldy.
The Wall Street Journal basylymynyń habarlaýynsha, keme 24 maýsymda sýǵa batyp ketken.
Keme Alıaskadan 480 shaqyrym jerde júzip bara jatqanda bortynda órt shyqqany habarlandy.
— Ekıpaj órtti sóndirý úshin sharalar qabyldady, biraq jaǵdaıdy baqylaýǵa alý múmkin bolmady, — delingen Zodiac Maritime basqarýshy kompanııasynyń málimdemesinde.
AQSh jaǵalaý kúzeti jaqyn mańda júzip kele jatqan saýda kemesine 22 teńizshini evakýatsııalady.
Kompanııanyń málimetinshe, onyń bortynda barlyǵy lıtıı-ıondy akkýmýlıatorlardan qýat alatyn 800-ge jýyq elektromobıl bolǵandyqtan, órtti birneshe apta boıy sóndirý múmkin bolmady. Batareıalardyń bul túrleri janǵan kezde kóp jylý shyǵarady jáne sóngennen keıin de qaıta janýy múmkin.
Keme 24 maýsym kúni órt pen aýa raıynyń qolaısyzdyǵynan sýǵa batyp ketti. Aqparatqa sáıkes, kemeniń bortynda Meksıka naryǵyna arnalǵan qytaılyq kólikter bolǵan.
Eske sala keteıik, SpaceX ǵarysh kemesi synaq kezinde jarylǵany jaıly jazǵan edik.