Tindik tıpteý zerthanasynda múshelerdi transplanttaý úshin 536 zertteý júrgizildi
«Bul óz kezeginde organdy aýystyryp otyrǵyzý boıynsha 383 ota men 153 súıek kemigin aýystyrý otalaryn sátti jasaýǵa múmkindik berdi. Transplanttaýdy kútip júrgen naýqastar bazasy men gemopoezdik diń jasýshalary donorlarynyń tizimi jasaldy»,-delingen QR Densaýlyq saqtaý jáne áleýmettik damý mınıstrligi málimetinde.
Atalǵan zerthanada ótkiziletin transplanttaýlar aıasynda sezimtaldyq (úılesimdilik) deńgeıin anyqtaý úshin donorlar men retsıpıentterdi tıpteý boıynsha barlyq zertteý kesheni júzege asyrylady. Búgingi tańda gemopoezdik diń jasýshalary donorlarynyń tizimine 3,5 myńnan astam tıptelgen donorlar engizildi.
Sonymen qatar, 2015 jyly Almaty qalasyndaǵy Respýblıkalyq qan ortalyǵynda ońtústik aımaqtar men elimizdiń iri qalasynda organdardy transplanttaýdy zerthanalyq súıemeldeý maqsatynda ımmýnologııalyq tıpteý zerthanasy quryldy. 2015 jyly almatylyq emhanalarda barlyǵy 118 transplantatsııa jasaldy.