Tımýr Jaqsylyqov: Qazaqstannyń Belarýs eline eksporty 3,6 paıyzǵa azaıdy
ALMATY. 13 shilde. QazAqparat - Qazaqstannyń Keden odaǵy elderimen taýar aınalymynda bıyl eksport kólemi qysqarýda.
QR Ekonomıkalyq damý jáne saýda vıtse-mınıstri Tımýr Jaqsylyqov búgin Almatyda ótip jatqan mınıstrlik janyndaǵy Ekonomıkalyq yqpaldastyq máseleleri boıynsha jedel shtabtyń alǵashqy otyrysynda aıtty.
«Keden odaǵy elderimen qatynasta Qazaqstannyń Reseı sııaqty Belarýspen saýdada da jalpy taýar aınalymy ósýde. Biraq ol ımport esebinen. Belarýs ımporty qańtar-naýryz aılarynda ótken jylmen salystyrǵanda 32 paıyz ósti. Bul qant, muzdatylǵan iri qara mal eti men motorly kólik quraldary, jıhaz, traktor jáne taǵy basqa taýarlar boıynsha baıqalyp otyr», - deıdi T. Jaqsylyqov.
Onyń aıtýynsha, Qazaqstannyń Belarýs eline eksporty bıyl 3,6 paıyzǵa qysqardy. Oǵan munaı ónimderi men jazyq temir shyǵarýdyń toqtatylýy túrtki bolyp otyr.
