Jetkizilmegen parashıýtter úshin Tımýr Týrlovtyń kompanııasyna 694 mln teńge tóleý mindetteldi
ALMATY. KAZINFORM – Almaty qalalyq sotynyń Apellıatsııalyq sot alqasy Tımýr Týrlovqa tıesili «Freedom Finance Insurance» SK» AQ-ǵa 694 mln teńge saqtandyrý ótemaqysyn tóleýdi mindetteý boıynsha sheshim shyǵardy. Bul týraly qala prokýratýrasy málim etti.
Qala prokýratýrasynyń apellıatsııalyq ótinishhaty boıynsha Mamandandyrylǵan aýdanaralyq ekonomıkalyq sottyń «Qazarnaýlyeksport» ShJQ RMK-nyń «Freedom Finance Insurance» SK» AQ-ǵa «Kaz-NJ» JShS-nyń parashıýt jabdyǵyn jetkizýge taraptar arasynda jasalǵan memlekettik satyp alý jónindegi shart sheńberinde oryndalmaǵan mindettemeleri úshin saqtandyrý tólemin júzege asyrý týraly sheshiminiń kúshi joıyldy.
Almaty qalalyq sotynyń Apellıatsııalyq sot alqasy Freedom Finance Insurance SK AQ-ny 694 mln teńge kóleminde saqtandyrý somasyn tóleýge mindetteý týraly sheshim qabyldady.
Sol arqyly kvazımemlekettik sektordyń materıaldyq múddeleri qorǵaldy.
Kórsetilgen somany Seriktestik tolyq kólemde tóledi, - delingen habarlamada.
Osyǵan deıin Bas prokýratýra Qojamjarovtyń «Qorǵas isine» qatysy baryn rastady.