Tımýr Týrlov shahmattan Álem chempıonaty nelikten Astanada ótip jatqanyn túsindirdi
«Biz Astanada shahmattan Álem chempıonatyn ótkizý úshin jańa jyldyń qarsańynda talasqa tústik. Sheshim qańtarda qabyldandy. Bizdiń túsingenimiz boıynsha, elimizdiń geografııalyq jaǵdaıy osyndaı sheshim qabyldaýdaǵy basty faktordyń biri bolǵan. Bul jarysta Qytaıdyń grossmeısterleri men Reseıdiń grossmeısteri Álem chempıony degen ataq úshin kúsh synasýy kerek. Biz sol eki sheberdiń jolynyń qıylysynda turmyz», - dedi ol.
Tımýr Týrlov Qazaqstan buǵan deıin de shahmattan álemdik deńgeıdegi týrnırdi sátti ótkizgenin eske saldy.
«Byltyr jyl aıaǵynda blıts-rapıdten Álem chempıonatyn sátti ótkizgen tájirıbemiz de bar. Sol da paıdaǵa asty. Shynyna kelgende, biz keıingi kezde elimizdiń aldynan ashylǵan múmkindikterdi paıdalanyp otyrmyz.
Shahmat álemindegi osyndaı eń qyzyqty shara úshin talasta ozyq shyǵyp, Qazaqstandy osy jyldyń naǵyz shahmat ımperııasyna aınaldyraǵa alǵanymyzdy maqtan tutamyz», - dedi Federatsııa prezıdenti.
