Tımýr Týrlov FIDE prezıdenti qyzmetine kandıdatýrasyn usyndy
ASTANA. KAZINFORM – Qazaqstan shahmat federatsııasynyń prezıdenti Tımýr Týrlov Halyqaralyq shahmat federatsııasynyń (FIDE) prezıdenti laýazymyna kandıdatýrasyn usynǵanyn málimdedi.
Bul týraly ol Instagram paraqshasynda jazdy.
– Ǵasyrlyq tarıhy bar federatsııa búginde mańyzdy tańdaý jasaý kezeńinde tur. Osy ýaqytqa deıin júrip ótken joldy toqtatýǵa nemese joqqa shyǵarýǵa bolmaıdy. Kerisinshe, onyń damýyn jedeldetip, jańa serpin berip, alǵa jyljý qajet dep esepteımin. Sondyqtan Halyqaralyq shahmat federatsııasynyń prezıdenti qyzmetine óz kandıdatýramdy usyný týraly sheshim qabyldadym, – dep jazdy Týrlov.
Buǵan deıin Tımýr Týrlov FIDE prezıdenti Arkadıı Dvorkovıchtiń komandasynda uıym prezıdentiniń orynbasary qyzmetine kandıdat retinde saılaýǵa qatysýdy josparlaǵan bolatyn. Alaıda 23 shildede Dvorkovıch óz ókilettigin erikti túrde toqtatty. Ázirge FIDE prezıdentiniń mindetin uıym basshysynyń orynbasary, shahmattan 15-shi álem chempıony, úndistandyq Vıshvanatan Anand atqarady. Al Dvorkovıch juma kúni RIA Novostı agenttigine aldaǵy saılaýǵa qatyspaıtynyn málimdedi.
Buǵan deıin FIDE prezıdenti saılaýyna uıymnyń burynǵy basshysy reseılik Kırsan Ilıýmjınov, sondaı-aq, nemis kásipkerleri ári iri shahmat týrnırleriniń uıymdastyrýshylary Vadım Rozenshteın men ıAn Henrık Bıýttner de qatysýǵa nıetti ekenin málimdegen.
FIDE prezıdentin saılaý 26 qyrkúıek kúni Samarqanda uıymnyń bas assambleıasynda ótedi. Halyqaralyq shahmat federatsııasynyń jańa prezıdenti tórt jyl merzimge saılanady.
Tımýr Týrlov Qazaqstan shahmat federatsııasyn 2023 jyldan beri basqaryp keledi. Osy kezeńde Qazaqstanda erler arasyndaǵy álem chempıonaty matchy, sondaı-aq, rapıd jáne blıts boıynsha komandalyq álem chempıonaty ótkizildi.
Aıta keteıik, buǵan deıin Garvard pen Oksford shahmatshylary Almatydaǵy álem chempıonatyna qatysatynyn jazǵanbyz.
