Tımýr Týrlov FIDE-niń jańa prezıdenti boldy
ASTANA. KAZINFORM — Qazaqstan shahmat federatsııasynyń prezıdenti Tımýr Týrlov Halyqaralyq shahmat federatsııasynyń (FIDE) prezıdenti bolyp saılandy.
Saılaý 26 qyrkúıekte Samarqandta 46-Dúnıejúzilik shahmat olımpıadasymen qatar ótip jatqan uıymnyń Bas assambleıasy aıasynda ótti.
Daýys berý qorytyndysy boıynsha Tımýr Týrlov múmkin bolǵan 196 daýystyń 110-yn jınady.
Týrlov Qazaqstan shahmat federatsııasyn 2023 jyldan beri basqaryp keledi. Osy kezeńde Qazaqstan erler arasynda shahmattan álem chempıony ataǵy úshin matchty, sondaı-aq rapıd pen blıtsten komandalyq álem chempıonatyn qabyldady.
Eske salaıyq, buǵan deıin Qazaqstan shahmat federatsııasynyń prezıdenti Tımýr Týrlov Halyqaralyq shahmat federatsııasynyń (FIDE) prezıdenti laýazymyna kandıdatýrasyn usynǵanyn málimdegen edi.
