Tımýr Súleımenov valıýta naryǵyndaǵy nelikten dollar kóbeıgenin túsindirdi
ASTANA. KAZINFORM — Ulttyq bank tóraǵasy Tımýr Súleımenov valıýta naryǵyndaǵy dollar kóleminiń ósýine qatysty pikir bildirdi.
Ulttyq bank basshysynyń aıtýynsha, shetel valıýtasy aǵynynyń negizgi kózderiniń biri – munaı baǵasynyń ósýi. Buǵan deıin munaı barreli shamamen 60–65 dollardan satylsa, qazir onyń baǵasy 100 dollardan asyp tústi. Bul munaı kompanııalarynyń eksporttyq túsimderin arttyrdy, al sol qarajattyń bir bóligi ishki naryqqa kelip túsedi.
- «Dollar shamadan tys asyp tústi» degen uǵym joq. Eger naryqtyq ekonomıka jumys istep, shetel valıýtasynda tabys alsa, ol qarajat naryqqa túsedi – bul jaı ǵana fakt, – dedi T. Súleımenov Ulttyq bankte ótken baspasóz máslıhatynda.
UB tóraǵasy mys pen basqa da metaldardyń baǵasy da 11–14 paıyzǵa óskenin atap ótti.
— Jalpy alǵanda, bizdiń eksporttyq túsimimiz 27%-ǵa artty. Bul shetel valıýtasyndaǵy eksporttyq tabysymyzdyń da aıtarlyqtaı mólsherde óskenin bildiredi. Nátıjesinde, naryqqa kóbirek dollar kelip jatyr. Dál qazir osy jaǵdaı baıqalyp otyr, – dedi Tımýr Súleımenov.
Aıta keteıik, Ulttyq bank tóraǵasy jyl sońyna deıin dollar baǵamynyń kúrt álsireýine nemese ósýine negiz joq ekenin aıtty.
