Tımýr Súleımenov valıýta baǵamy týraly: qajet bolsa, ınterventsııa júrgizýge daıynbyz

ASTANA. KAZINFORM – Ulttyq bank tóraǵasy Tımýr Súleımenov Úkimet otyrysynda eldegi valıýta baǵamy suranys pen usynys negizinde qalyptasa beretinin aıtty. Biraq qajet bolǵan jaǵdaıda retteýshi organ retinde valıýta baǵamyna ınterventsııa arqyly áser etýge daıyn ekenderin atap ótti.

- Valıýtalyq saıasatqa keletin bolsaq, ishki naryqtaǵy valıýta baǵamy fýndamentaldyq faktorlardyń, valıýtaǵa suranys pen usynys araqatynasynyń áserinen erkin baǵam belgileý jaǵdaıynda qalyptasa beredi.

Sonymen birge, Ulttyq bank ulttyq valıýtany turaqsyzdandyratyn, spekýlıatıvtik aýytqýlardy jáne qarjylyq turaqtylyq táýekelderin boldyrmaý úshin qatań ári jedel túrde naqty áreket jasaýǵa, ıaǵnı valıýtalyq ınterventsııalardy júrgizýge daıyn, -dedi ol.

Tımýr Súleımenov Ulttyq bank kvazımemlekettik sektordyń valıýta naryǵyna yqpalyn valıýtalyq operatsııalar arqyly Úkimetpen birge úılestirip basqaratynyn atap ótti.

Sondaı-aq, búgingi Úkimet otyrysynda Qazaqstan aýmaǵynda jedel respıratorly vırýstar men tumaýdyń órshýi jeltoqsannyń ortasyna deıin jalǵasýy múmkin ekeni aıtyldy.