Tımýr Súleımenov Ulttyq banktiń KASE men AIX-ti biriktirý boıynsha ustanymyn túsindirdi
ASTANA. KAZINFORM — Ulttyq bank Qazaqstan qor bırjasy (KASE) men «Astana» halyqaralyq qarjy ortalyǵynyń bırjasyn (AIX) biriktirý protsesin toqtatqan joq. Óıtkeni olardy biriktirý týraly resmı ustanym bolǵan joq.
Ulttyq bank tóraǵasy Tımýr Súleımenov BAQ ókiliniń suraǵyna osylaı jaýap berdi.
— Biz bul suraqty áldeqaıda keńirek qarastyrǵymyz keledi. Rejımdi ózgertpesten, eshqandaı jeńildikti joımastan kelý kerek. Jalpy salyq, valıýta perımetrlerin biriktiretin ýaqyt keldi. Jaqyn arada biz bul máselemen aınalysamyz. Biz KASE men AIX-ti biriktiriletini týraly eshqashan aıtqan emespiz. Bul jerde áńgime áleýetterdi biriktirý týraly bolyp tur, — dedi Tımýr Súleımenov.
Aıta ketsek, áleýmettik jeli men jekelegen BAQ-ta eki qarjy alańyn biriktirý protsesi kúrt toqtaǵany týraly jańalyq taraǵan edi.
Eske Tımýr Súleımenov salsaq ekonomıkadaǵy aqshanyń qymbattyǵy ıpoteka sharttaryn qaıta qaraýǵa negiz bolýy múmkin ekenin aıtqan edi.