Tımýr Súleımenov: Ulttyq bank QQS-ny kóterýdi qoldaıdy

ASTANA. KAZINFORM — Ulttyq bank tóraǵasy Tımýr Súleımenov Úkimettiń qosylǵan qun salyǵyn kóterý bastamasyn qoldaıtynyn aıtty.

— Bazalyq keskinde qarasaq, biz QQS-ny kóterip, sonyń arqasynda Ulttyq qordan alatyn aqshany azaıtamyz. Meniń paıymdaýymsha, bul jaqsy jol. Bul bizdiń turǵymyzdan, ekonomısterdiń paıymy boıynsha durys. Biraq qarapaıym azamattar turǵysynan qarasaq, munda da durys. Óıtkeni Ulttyq qordan aqsha alǵanda balalarymyzdan aqsha alamyz. Bolashaqtyń aqshasyn alamyz da bıýdjet tapshylyǵynyń tesikterin juqalap jabamyz, — dedi ol baspasóz máslıhatynda.

Ulttyq bank basshysy bul sheshimdi bolashaqtyń qamy úshin jasalǵan qadam dep otyr.

— Salyqty qazir kóterý arqyly qazir jumys istep júrgen, bıznespen aınalysatyn adamdardyń salyq júktemesi biraz aýyrlaıdy. Esesine biz bolashaqtyń qaýipsizdik qamyn jaqsyraq qamdaımyz. Sondyqtan ekeýdiń birin tańdaý kerek bolsa, Úkimet durys sheshim qabyldap otyr jáne biz ony qoldaımyz, — dedi Tımýr Súleımenov.

Aıta keteıik, Parlamentte jatqan Salyq kodeksiniń jańa jobasynda qosylǵan qun salyǵynyń mólsherlemesin 16 paıyzǵa kóterip, aınalym shegin 15 mln teńgege deıin túsirý usynylyp otyr.