Tımýr Súleımenov: Mıkroqarjy uıymdaryn kepilsiz negizde qarjylandyrý tásilderi ázirlenedi

ASTANA. QazAqparat - Mıkroqarjy uıymdaryn kepilsiz negizde qarjylandyrý tásilderi ázirlenedi. Bul týraly búgin Úkimet otyrysynda Prezıdenttiń 5 áleýmettik bastamasyn júzege asyrý Jol kartasynyń jobasyn tanystyrǵan QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.

Tımýr Súleımenovtiń aıtýynsha, Elbasynyń 5 áleýmettik bastamasynyń shaǵyn nesıe berýdi kóbeıtý baǵytynyń júzege asyrylýyna jaýapty organ retinde Eńbek jáne halyqty áleýmettik qorǵaý mınıstrligi bekitilgen. Osy baǵyt jelisi boıynsha mamyr aıynda Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyna túzetýler engizý josparlanyp otyr.

«Ózgerister qalalar men aýyldyq jerlerde mıkrokredıt berýdi qarjylandyrýdy ulǵaıtýǵa jáne kásipkerlikti damytýǵa járdemdesýge baǵyttalatyn bolady. Іri aýylsharýashylyq kásiporyndarynyń aınalasynda zákir kooperatsııalar jónindegi jobalardy iske asyrý úshin mıkrokredıt berý tetikteri ázirlenedi. Budan basqa, mıkroqarjy uıymdaryn kepilsiz negizde qarjylandyrý tásilderin ázirleý josparlanýda», - dedi mınıstr.