Tımýr Súleımenov memqyzmettegi basqarýshylyq mádenıetti synǵa aldy

NUR-SULTAN. QazAqparat – QR Prezıdent Ákimshiligi Basshysynyń orynbasary Tımýr Súleımenov Qazaqstandaǵy memlekettik qyzmettiń ózekti máselesin atady, dep habarlaıdy QazAqparat tilshisi.

«Memlekettik qyzmettegi basty máselelerdiń biri – basqarýshylyq mádenıet, sondyqtan memlekettik qyzmetshiler jumysynyń jańa stılin qalyptastyrý talap etiledi jáne bul jerde basshylardyń ózderi úlken ról atqarady», - dedi Tımýr Súleımenov QR Memlekettik qyzmet isteri agenttiginiń alqa otyrysynda.

Spıker búgingi alqa otyrysynda departament basshylary jáne orynbasarlar qatysyp otyrǵanyn atap ótti.

«Qyzmetkerlerdiń qalaı jumys isteıtini bizge – komandırlerge tikeleı baılanysty. Qyzmetkerler bizdiń jumysymyzǵa qaraıdy jáne úlgi alady, sondyqtan bul jerde óz jaýapkershiligimizdi uǵynýymyz kerek. Meniń oıymsha, munda assessment – 360 gradýs ádisimen baǵalaý quraly kómektesedi. Bul ádis Qazaqstanda engiziledi jáne alǵashqy jyldyń qorytyndysyna qaraı tıisti tujyrymdar jasaımyz. Osylaısha, memlekettik organdardaǵy basqarýshylyq mádenıet birtindep ózgeredi», - dedi T. Súleımenov.