Tımýr Súleımenov kórshi eldermen saýdaǵa kedergiler týraly aıtty
ASTANA. QazAqparat - QR Ulttyq ekonomıka mınıstri Tımýr Súleımenov Eýrazııalyq ekonomıkalyq odaq aıasynda saýda-sattyq kezindegi kedergilerdi joıý sharalary týraly aıtyp berdi, dep habarlaıdy QazAqparat.
«EAEO aıasynda taýarlardyń erkin aınalymy máselesin sheshe otyryp, taraptar ishki naryqta kedergilerdi joıý boıynsha birlesken jumystardy atqarýda», - dedi mınıstr Senattaǵy EAEO-daǵy Qazaqstannyń saýda saıasatyn iske asyrý máseleleri týraly Úkimet saǵatynda.
T. Súleımenovtyń atap ótýinshe, búginde 70 kedergiden turatyn tizim aıqyndaldy. Onyń ishinde 45-i eki nemese odan kóp eldermen arada. Naqtyraq aıtqanda, kedergilerdiń 9-y Reseıde, sondaı-aq Qazaqstanǵa - 5, Belarýske - 6, Qyrǵyzstanǵa - 3, Armenııaǵa 2 kederge tıesili.
«Olardy joıý maqsatynda 2018-2019 jyldarǵa arnalǵan EAEO-nyń ishki naryǵynda shekteýlerdi joıý boıynsha Jol kartasy bekitildi», - dedi vedomstvo basshysy.
Osy oraıda ol Jol kartasy sharalaryn oryndaý kásipkerlik belsendilikti yntalandyratynyn jetkizdi.
