Tımýr Súleımenov kórshi eldiń valıýtasy nelikten nyǵaıyp kele jatqanyn aıtty

ASTANA. KAZINFORM — Ulttyq bank tóraǵasy Tımýr Súleımenov valıýta naryǵynda ne sebepti reseılik rýbl nyǵaıyp kele jatqanyn túsindirdi.

Búgin Parlament palatalarynyń birlesken otyrysynyń aldynda tilshiler Ulttyq bank basshysynan reseılik rýbl men teńgeniń baǵamyna qatysty pikirin surady. T. Súleımenov qazir rýbl rezervtik valıýtalarǵa qatysty nyǵaıǵanyn aıtty.

- Reseılik rýbl dollar, eýro sııaqty valıýtalarǵa qatysty nyǵaıǵany baıqaldy. Bul jaǵdaı Reseıdiń ózindegi ekonomıkanyń damýynyń ishki máselesine baılanysty, ıaǵnı olarda ımportqa suranys tómendedi. Sondyqtan bul elde dollarǵa degen suranys kúrt azaıdy. Atap aıtqanda, rýbldiń kúsheıýi jalpy trend, bul jaǵdaı tek teńgege ǵana qatysty emes, - dedi UB basshysy.

Aıta keteıik, 2 qyrkúıekke arnalǵan dollar, eýro jáne rýbl baǵamyn jazǵan edik. 

Astanadaǵy aıyrbastaý pýnktterinde:

* dollar: satyp alý – 535,03 teńge, satý – 540,03 teńge;

* eýro: satyp alý – 622,00 teńge, satý – 632,00 teńge;

* rýbl: satyp alý – 6,60 teńge, satý – 6,70 teńge.