Tımýr Súleımenov kóppáterli turǵyn úılerdegi jer salyǵyn alyp tastaýǵa qatysty pikir bildirdi
ASTANA. QazAqparat - Búgin Úkimet otyrysynan keıin QR Ulttyq ekonomıka mınıstri Tımýr Súleımenov kóppáterli turǵyn úılerdegi jer salyǵyn alyp tastaý máselesine qatysty pikir bildirdi, dep habarlaıdy QazAqparat tilshisi.
«Qazirgi ýaqytta biz kóppáterli turǵyn úıdiń turǵyny retinde páterdiń ózine, sonymen qatar jergilikti organ bizge tıesili dep «kesip» bergen ýchaskege tólem jasaımyz. Al is júzinde onyń bizge aıtarlyqtaı tıesiligi de joq. Biz 5-shi, 10-shy qabatta turamyz. Sondyqtan biz muny bir múlik salyǵyna biriktirip, anahronızmdi alyp tastaǵymyz keledi. Bul Salyq kodeksine túzetýler aıasynda júzege asyryla alady jáne múlik salyǵy retinde jylyna bir ret tólenetindigi túsinikti. Muny biz 2020 jylǵa qaraı júzege asyramyz», - dedi Tımýr Súleımenov.
Aıta keteıik, QR Premer-Mınıstri Baqytjan Saǵyntaev Ulttyq ekonomıka mınıstrligine kóppáterli turǵyn úılerdegi jer salyǵyn alyp tastaý máselesin qarastyrýdy tapsyrǵan bolatyn.
