Tımýr Súleımenov QQS-ny kóterý týraly jańalyqtar ınflıatsııaǵa qalaı áser etip jatqanyn aıtty

ASTANA. KAZINFORM — Ulttyq bank tóraǵasy Tımýr Súleımenov eldegi salyq reformasy týraly talqylaýlar halyq ishindegi ınflıatsııa boljamdaryna qalaı áser etip jatqanyn aıtty.

Тимур Сүлейменов ҚҚС-ны көтеру туралы жаңалықтар инфляцияға қалай әсер етіп жатқанын айтты
Фото: Ұлттық банк

— Halyqtyń ishinde ınflıatsııalyq kútýiniń joǵarylaýyna janar-jaǵarmaıdy memleket baqylaýynan shyǵarý týraly jańalyqtar, teńge baǵamynyń álsireýi, salyq reformasynyń tóńiregindegi qyzý talqylaýlar, onyń ishinde QQS-ny kóterý máselesi, sondaı-aq, turǵyn úı-kommýnaldyq sektorda tarıf reformasynyń jalǵasýy áser etti, — dedi ol.

Ulttyq bank basshysy aldaǵy 5 jylǵa ınflıatsııalyq kútýler eki tańbaly mólsherden erkin asyp turǵanyn aıtty.

— Inflıatsııalyq kútýler joǵary kúıinde qalyp otyr, aldaǵy jylǵa 13,7 paıyz deńgeıinde baǵalanady. Al halyqtyń ınflıatsııany sezinýi 12,4 paıyzǵa deıin jedeldedi. Qańtar aıynda bul kórsetkish 11,3 paıyz bolatyn. 5 jyldyqtyń ınflıatsııalyq kútýleri 13,5 paıyz bolady degen boljam bar, — dedi Tımýr Súleımenov.

Búgin ulttyq bank bazalyq mólsherlemeni kótergen bolatyn.

Сейчас читают