Tımýr Súleımenov Kcell aktsııasyn satyp alý týraly: Sheshim osy aptada shyǵarylady

ASTANA. QazAqparat - «Qazaqtelekom» ulttyq operatorynyń Kcell aktsııasyn satyp alýy týraly sheshim osy aptada qabyldanýy múmkin. Bul týraly búgin Úkimet otyrysynan keıin QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat tilshisi.

«Óz sheshimimizdi osy aptada jarııa etetin bolamyz. Kóptegen jaıt bizge baılanysty emestigin basa atap ótkim keledi. Óıtkeni, biz barlyq ýaqytta da taraptardyń kelisimin ne maquldaımyz nemese maquldamaımyz. Bul birinshi kezekte kommertsııalyq mámile. Taraptardyń ýaǵdalastyqtary men ustanymdarynyń ózgerýi onyń is júzinde qalaı júzege asyrylatyndyǵy bizdiń kózqarasymyzǵa áser etedi. Buǵan qosa, bul tehnologııalyq turǵydan alyp qaraǵanda óte kúrdeli protses. Bul eki metallýrgııalyq zaýytty bir-birimen qosý emes. Ol jerde birshama túsinikti. Al munda 3-5 jyldan keıin sala qandaı bolady degen sııaqty tehnologııalyq forsaıttyq dúnıeler kóp», - dedi Tımýr Súleımenov.

Buǵan deıin QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıteti Kcell aktsııalarynyń 75% satyp alý týraly Qazaqtelekom ótinishin qarastyrý merzimin uzartqan edi.